UZINDUZI WA WIKI YA SIKUKUU YA IDARA YA WATOTO ICC

Mungu ni mwema wakati wote!

Hatimaye Idara ya Watoto ICC siku ya leo wamezindua rasmi wiki ya sikukuu yao ambayo itaanza kesho 26/05/2014 hadi Jumapili Ijayo 01/06/2014.

Ibada ya kwaza alihubiri mpakwa mafuta wa Bwana Mrs. O. Kipemba; Ujumbe ulikuwa ni muendelezo wa Somo la Kumtumainia Mungu, kwa siku ya leo alifundisha kuhusu "SABABU ZA KUMTUMAINIA MUNGU".

Akiwa amejaa upako zaidi ya maelezo, Mtumishi wa Bwana alielezea sababu kuu 3 za kumtumaini Mungu. Alifundisha somo hili kwa lugha ya Kiingereza akitafsiriwa na Miss. Joyce Senje.

 Alifundisha sababu kuu tatu, nitazitaja kwa ufupi somo kamili litawajia wakati mwingine.
1. Hatima ya maisha yetu ipo mikononi mwa Mungu.Yeremia 29:11, 1:5; Mathayo 6:25-33; Yohana 6:37
2. Mungu wetu ni msikivu, anasikiliza maombi yetu. Kutoka 3:7-8, Yermia 29:13
3. Mungu wetu huzitunza na kuzitimiza ahadi zake kwetu.  Hesabu 23:19;

Katika somo hili, alisisitiza kwamba;
> Mungu wetu kamwe hawezi kutufedhehesha,
> Mungu wetu kamwe hawezi kutuaibisha,
> Mungu wetu kamwe hawezi kututelekeza.

Alifundisha mambo mengi hayo ni kwa ufupi tu, mwisho alihitimisha kwa maombi;

Ibada ya pili ndio ulifnyika uzinduzi rasmi, ambapo Watoto wote, Waalimu wa Watoto, pamoja na Wadhamini wa Idara ya Watoto waliingia kwa maandamano.

Baada ya kuingia ndani na kupitiliza hadi Madhabahuni, Mwalimu Mkuu wa Idara ya Watoto Mr. Nico William alsema jambo kuhusu siku hii na kuomba ushirikiano toka kwa Waamini wote ili kufanikisha sikukuu hii ya Idara ya Watoto.

Kilichofuata Ibada ya Kusifu na Kuabudu iliendelea kwa kushirikisha Timu ya Kusifu na Kuabudu ikiongozwa na Miss Joyce Senje, Watoto na Kanisa zima kwa ujumla.

Kifupi Ibada ya Kusifu na Kuabudu ilijaa uwepo wa Mungu, na kila aliye mruhusu Roho wa Bwana hakutoka patupu.

Mtumishi wa Bwana Mr. Joseph Fungo huwa ana nibariki sana hasa wakati wa kusifu na kuabudu, huyu Bwana aisee hata sijui nimuelezee vipi. Yaani huwa anasifu kama vile ndo kapewa nafasi ya mwisho kusifu baada ya hapo anatwaliwa. Ki ukweli inapendeza na inabariki sana, anajua nini anachokifanya.

Upande wa muziki alikuwepo Mwl. Nuhu kwenye Keybord na Bw. Barnaba Haran gitaa la base.

Kama kawaida, kila mtu na wito wake, kikazi zaidi!

Ibada ya pili alihubiri Mchungaji wa Idara ya Watoto, Mrs. Roswita Kitine ambaye ni Mama Mchungaji kiongozi wa ICC.

Alifundisha somo linalosema "MUNGU ANA MPANGO NA WATOTO WETU", alifundisha kwa ufupi tu kama utangulizi na uzinduzi wa Wiki ya Sikukuu ya Watoto. Alifundisha kuwa mpango wa Mungu kwa Watoto ni kuhubiri Injili pamoja na Wazazi wao wala si kuwaacha nyuma.
Maandiko: Yeremia 1:4-7; Marko 16:15-16; Mathayo 28:19-20; Yoel 2:28; Rumi 10:15

Kwa jinsi alivyofundisha somo hili kwa muda mfupi ila kwa upako wa hali ya juu sana, watu wengi waliguswa. Mwisho akatoa wito kwa watu ambao wapo tayari kutumika katika Idara ya Watoto waende mbele, watu wengi walijitokeza wakafanyiwa maombi maalum.

Kulikuwa na makundi ya aina tatu:
1. Watu ambao wapo tayari kumtumikia Mungu katika Idara ya Watoto kwa kujitolea kwenda kufundisha Neno la Mungu mashuleni;
2. Watu ambao wapo tayari kumtumikia Mungu katika Idara ya Watoto kwa njia ya kuwawezesha Waalimu watakaokwenda kufundisha Mashuleni;
3. Watu ambao wapo tayari kumtumikia Mungu katika Idara ya Watoto kwa kujitolea kuwa Wafadhili wa Idara kwa ujumla.

Makundi yote matatu yalifanyiwa maombi na Mchungaji Kiongozi Mch. Raphael Kitine, akishirikiana na Mchungaji wa Idara ya Watoto Mrs. Roswita Kitine.

Mwisho Mchungaji kiongozi alitoa Baraka zake na kuzindua rasmi sikukuu ya Watoto.

Baada ya hapo Ibada ikaahrishwa kwa maombi, tukatawanyika kuelekea majumbani.

Nje ya kanisa wadau wakabadilishana mawazo mawili matatu kabla ya kwenda nyumbani.

Mungu ametubariki ICC katika nyanja zote; wenye magari wapo, wenye bodaboda wapo, wenye baiskeli wapo na wasugua soli pia tupo. Muhubiri 3:1

Siku ndo ikawa imekamilika kiivo yaani!
Ubarikiwe, karibu sana ICC, mualike ndugu, jamaa na rafiki yako.

KUTOKA MADHABAHUNI ICC: HATUA MUHIMU ZA KUPOKEA MUUJIZA WAKO

Mhubiri: Mch. Raphael Kitine (Mchungaji Kiongozi I.C.C)

MSTARI MKUU: Yohana 5:8

I. UTANGULIZI:

 A. Maana Halisi ya Muujiza.
* Ni Hali ya Mungu kuingilia kati kwa Nguvu Kuu :
> Ni tukio linalotokea kinyume cha kanuni/sheria za asili, na linaangaliwa kama tendo la Mungu.
* Matukio yanayostaajabisha (Yanayoshangaza):
> Ni tukio linalostaajabisha zaidi ya jambo lililo tarajiwa.
*  Mungu anataka kutubariki katika kila eneo la maisha yetu; Kiroho, Kimwili, Kiuchumi n.k
* Lakini tatizo lipo kwa Wakristo wengi kutojua ni namna gani wapokee miujiza yao toka kwa Mungu.
* Ili tuweze kupokea miujiza yetu, na tuishi katikati ya baraka na uwepo wa Mungu, ni LAZIMA tuelewe, na tuweze kufanyia kazi HATUA MUHIMU ZA KUPOKEA MIUJIZA YETU.

 B. FAIDA/UMUHIMU WA MIUJIZA KATIKA MAISHA YETU :
> Imani zetu zitakua na kuzidishwa maradufu na zaidi.
> Tutajisikia vizuri kuwepo ndani ya Nyumba ya Mungu. Matendo 3:6-9,
> Miujiza huwavuta watu wengi kwa Yesu. Yohana 2:23

II. HATUA ZA KUPOKEA MUUJIZA WAKO:

A. Mtambue na umkubali Mungu kuwa ndio chanzo cha kila kitu chako. Wafilipi 4:6
> Tafuta uelekeo na maelekezo ya Mungu kabla hujaomba Muujiza wako.
> Haja zako na mahitaji yako yajulikane kwa Mungu, kwa njia ya maombi.
> Pata taswira ya wazi ya kila unachotaka kutoka kwa Mungu; unapaswa kuwa na maono sahihi ya kile unachokitaka toka kwa Mungu.

B. Geuza hali ya kifo inayokuzunguka. 2 Korintho 1:9
> Amini kuwa Mungu anaweza kufanya mambo yote. Yeremia 32:27
> Shetani akikukumbusha mambo mabaya, mkumbushe mambo mazuri ambayo Mungu amekutendea katika maisha yako.
> Amini kuwa Mungu akiahidi Muujiza, hakuna mtu, kitu wala jambo linaloweza kukuzuia kupokea isipokuwa ni wewe mwenyewe binafsi.

C. Anza kufanyia kazi/ Mazoezi vitu ambavyo hukuweza kufanya kabla. Yohana 5:8
> Usiruhusu hali ya kutilia shaka au hofu kuhusu hitaji lako kama litafanikiwa au halitafanikiwa.
> Unachotakiwa kufanya, ni kujiamini kuwa umeshafanya sehemu yako sasa unasubiri Mungu akufanyie Muujiza wako.

D. Shuhudia Jambo ambalo Mungu amekufanyia. Marko 5:19
> Mungu hutubariki ili tuwe mfano kwa wengine, anataka watu wengine waione nuru kupitia sisi. Luka 8:16
> Ufalme wa shetani haupendi kuona watu wakishuhudia matendo mema ya Mungu aliyowatendea.
> Kwa kadri unavyoshuhudia matendo Makuu ambayo Mungu amekutendea, ndivyo Mungu atakavyozidi kukubariki zaidi.

III. HITIMISHO:
> Ni wakati wako sasa kutendea kazi somo hili, ili uweze kupokea Muujiza wako. Chukua hatua sasa.

MUNGU AKUBARIKI.

LEO IBADANI ICC: HATUA MUHIMU ZA KUPOKEA MUUJIZA WAKO

Ibada ya leo ICC ilikuwa nzuri sana yenye Uwepo wa Mungu kiasi cha kutosha. Mchungaji Kiongozi wa ICC Mch. Raphael Kitine kafundisha somo zuri sana lilimgusa kila mtu kuhusu "Hatua Muhimu za Kupokea Muujiza Wako". Kabla ya Neno kulikuwa na Ibada ya kusifu na kuabudu kama ilivyo ada!

Leo timu ya kusifu na kuabudu iliongozwa na Mr. Andrew Magelanga pamoja na Miss. Joyce Senje.

 Upande wa Muziki, Keyboard alisimama Kijana Daniel Makombe, Gitaa la besi lilikamatwa na Mwl. Nuhu

Upande wa dawati la IT alikuwepo kijana mtanashati Mr. Nico William kuhakikisha matangazo, nyimbo  zinapaa hewani vizuri, pia set up mbalimbali za kidigitali;

Kwaya Iliyohudumu ni kwaya ya PATMO

Ibada ya kusifu na kuabudu ilikuwa nzuri sana yenye uwepo wa Mungu, kwa yeyote aliyefungua moyo wake alipokea kitu;

Baada ya kusifu na kuabudu kilifuatia kipindi cha Mahubiri, katika Ibada zote mbili alihubiri Mch. Raphael Kitine, ujumbe ulisema "Hatua Muhimu za Kupokea Muujiza wako"

 Mchungaji Raphael Kitine (Kulia) akihubiri Ibada ya kwanza ya Kiingereza, sambamba naye ni Mtafsiri wake Mr. Edom Fungo (Kushoto). Miaka kadhaa ijayo nikisikia Edom kawa Pastor wala sitashangaa hata kidogo, dalili za mvua ni mawingu.

Ibada ilikuwa na Nguvu sana, Mchungaji alihubiri kwa Uweza na Nguvu za Roho Mtakatifu isivyo kawaida.

Baada ya Mahubiri (Ujumbe kamili utaupata hapahapa) kuhusu hatua muhimu za kupokea muujiza wako, alitoa nafasi kwa watu mbalimbali kushuhudia  matendo makuu au muujiza ambao Mungu amefanya.

Mtu wa kwanza kutoa ushuhuda alikuwa ni Mtafsiri wake Mr. Edom Fungo, ambaye alishuhudia uponyaji wa Mungu kwani wiki nzima amekuwa akisumbuliwa na maumivu ya jino hasa nyakati za asubuhi, hadi anapanda madhabahuni kutafsiri hali haikuwa shwari. Baada tu ya kukanyaga madhabahu ya Bwana akapokea uponyaji, Utukufu kwa Bwana.

Baada ya Bwana Edom kufungua pazia la kushuhudia, Waumini kadhaa nao walipata nafasi ya kumshuhudia Mungu japo kwa ufupi kutokana na muda kuwa hautoshi.

Ibada ya pili nayo ilikuwa moto wa kuotea mbali

Katika Ibada ya Leo kulikuwa na matukio kadhaa, ikiwemo Mchungaji Raphael Kitine na Familia yake kununua Speaker kubwa moja aina ya Fidek na kuikabidhi kwa Viongozi wa Kanisa kwa niaba ya Kanisa zima. Mungu akuzidishie Baba.

Tukio jingine, Mr. & Mrs Edom Fungo walimshukuru Mungu kwa kuwabariki mtoto wa kike waliyempa jina la Alice.

Shukrani hazikuishia hapo, Binti Glory Chanai  (aliyeshika Microphone) naye pia alimshukuru Mungu kwa kumponya kwenye ajali ya pikipiki a.k.a bodaboda.

Somo kamili la leo "HATUA MUHIMU ZA KUPOKEA MUUJIZA WAKO"litawajia hapahapa, usitoke usiondoke. Pia ntembelea ukurasa wetu wa facebook, iringacentralchurch.
UBARIKIWE.